26.06.2026 | 00:17
Իսրայելի ԱԳ նախարարը նախատեսում է կառավարությանը առաջարկել Հայոց ցեղասպանությունը ճանաչելու բանաձև
Մեքենան այրած երիտասարդը հայտնաբերվել է. նախաձեռնվել է քրեական վարույթ
Հասարակություն
23.12.2024 | 17:42
Դեկտեմբերի 16-ի գիշերը՝ ժամը 1.55-ին, ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել էր, որ Վիլնյուսի փողոցի հասցեներից մեկի մոտ ավտոմեքենա է այրվում: Համայնքային ոստիկանության Նոր Նորքի բաժնում հնչած հաջորդ ահազանգը մեքենայատիրոջից էր. հայտնում էր, որ այրել են նշված հասցեում կայանված իր «Նիսանը»․ տեղեկացնում են ՆԳՆ-ից։
Կազմված փաստաթղթերն ուղարկվել էին Ավան և Նոր Նորքի քննչական բաժին, որտեղ նախաձեռնվել էր քրեական վարույթ:
Քրեական ոստիկանության Երևան քաղաքի վարչության և Համայնքային ոստիկանության Նոր Նորքի բաժնի ծառայողների համատեղ ձեռնարկած միջոցառումների արդյունքում պարզվել է, որ արարքը կատարել է նույն փողոցի բնակիչ 26-ամյա երիտասարդը:
Հետագա միջոցառումների արդյունքում նա դեկտեմբերի 20-ին Նուբարաշենի խճուղում հայտնաբերվել, ձերբակալվել և տեղափոխվել է Քրեական ոստիկանության Երևան քաղաքի վարչություն, որտեղ հայտնել է, որ նշված արարքը կատարել է ինքը:
Կազմված փաստաթղթերն ուղարկվել են Ավան և Նոր Նորքի քննչական բաժին:
