16.11.2024 | 13:49
Վանաձորում ձին ընկել է դիտահորը
Ես մրցակցության մեջ չեմ Նիկոլ Փաշինյանի հետ, բայց Փաշինյանը մրցակցության մեջ էր բոլոր ուժերի հետ. Արարատ Զուրաբյան. ՏԵՍԱՆՅՈՒԹ
Քաղաքականություն
21.09.2018 | 13:25
30 տարի է՝ քաղաքականության մեջ եմ, բայց շատ քիչ եմ տեսել հավասար պայմաններ: Այս մասին այսօր՝ սեպտեմբերի 21-ին, լրագրողների հետ հանդիպմանն ամփոփելով նախընտրական քարոզարշավը՝ հայտարարեց «Երևանցիներ» դաշինքից Երևանի քաղաքապետի թեկնածու Արարատ Զուրաբյանը:
«Շատ քիչ եմ տեսել հավասար պայմաններ՝ որպես այդպիսին: Հավասար պայմանների պատրանք մենք տեսել ենք: Առաջարկում եմ դուրս գալ Երևան քաղաք, հաշվել բիլբորդները ու տեսնել մի բան. անկախ նրանից՝ ով է գալիս իշխանության՝ ամենաազնիվը, ամենալավը նույնիսկ, միանգամից տեսնում ենք, որ նրա գովազդային կոմպանիան առնվազն տասն անգամ ավելի հուժկու է, որովհետև օգտագործված են հնարավորություններ, որոնք թեկնածուների մեծամասնությունը միշտ էլ չունի»,- հավելեց Զուրաբյանը:
Ինչ վերաբերում է քարոզչության ընթացքին՝ քաղաքապետի թեկնածուն շատ դրական մի բան է արձանագրել. թե՛ ընտրարշավի մասնակիցները, թե՛ ամբողջ հասարակությունը ներքին համոզում և ցանկություն ունեն, որ այս ընտրությունները լինեն արդար, առանց խախտումների. «Կարծում եմ, որ շատ մոտ ենք նրան, որ այդ ձեռքբերումը մենք Հայաստանում արձանագրենք»:
Եվս մեկ արձանագրում. Երևանի ավագանու ընտրություններին, ըստ Արարատ Զուրաբյանի, մասնակցում են բազմաթիվ թեկնածուներ և քաղաքական միավորներ՝ զուտ փորձարկելու համար իրենց հնարավորություններն ապագա ընտրություններում, պատկերացնելու համար, թե ի՞նչ ձևաչափեր կարող են ստեղծել, ով ինչպես կարող է հանդես գալ:
«Բայց կան նաև մարդիկ, ես այդ թվում եմ, որոնք համոզված են, որ այսօրվա պրոցեսն այսօրվա պրոցես է, և պետք է կենտրոնանալ Երեւանի քաղաքապետի ընտրության վրա: Պետք է գիտակցել, որ Երևանի քաղաքապետը պաշտոնյա է, որը թե՛ մասնագիտական, թե՛ քաղաքական եւ թե՛ հանրային առումով մի կարևոր գործառույթ ունի. պետք է կազմակերպի կյանքը մի քաղաքի, որում մենք ապրում ենք, որն ունի 2800-ամյա պատմություն և բազմաթիվ խնդիրներ, որոնք լուծման կարիք ունեն»,- նշեց Արարատ Զուրաբյանը:
Մանրամասները՝ տեսանյութում:
