24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Վիկտորիա լճում լաստանավ է խորտակվել. կա 44 զոհ
Քաղաքականություն
21.09.2018 | 12:58
44 զոհ և բազմաթիվ անհետ կորածներ Վիկտորիա լճում լաստանավի խորտակման արդյունքում․ հայտնում է thehindu.com-ը։
Տարածաշրջանային հանձնակատար Ջոն Մոնգելան նշել է, որ 37 մարդու կյանք արդեն հաջողվել է փրկել, չնայած՝ նրանցից ոմանք ծայրահեղ ծանր վիճակում են։
Նա հավելել է, որ դադարեցված փրկարարական աշխատանքներն այսօր առավոտյան կվերսկսվեն։
«ԷմՎի Նյերերե» լաստանավը խորտակվել է հինգշաբթի կեսօրին՝ Աֆրիկայի ամենամեծ լճի հյուսիսային հայտվածում։
Նավարկության ժամանակ տախտակամածին եղել է հարյուրից ավելի ուղևոր։ Լաստանավի խորտակման հնարավոր պատճառը գերծանրաբեռնվածությունն է, քանի որ ուղևորներից բացի, այն նաև մեծ քանակությամբ եգիպտացորենի և ցեմենտի պարկեր է տեղափոխելիս եղել։
