23.06.2026 | 15:02
«Կաշիներդ քերթվելու ա». Ավինյանը` ընտրություններին մասնակցած ընդդիմադիրներին․ ՏԵՍԱՆՅՈՒԹ
Սիրիայում ԱՄՆ-ի քուրդ դաշնակիցները դադարեցնում են ԻԼԻՊ-ի դեմ գործողությունները՝ Թուրքիայի կողմից աջակցվող խմբերի սպառնալիքների պատճառով
Քաղաքականություն
13.12.2024 | 18:05
Սիրիայում քուրդ բարձրաստիճան հրամանատարը զգուշացրել է, որ վերածնվող «Իսլամական պետությունը» սկսում է օգուտ քաղել Բաշար Ասադի քաոսային տապալումից, գրում է Sky news-ը։
Հյուսիս-արևելքում քրդերն անհանգստացած են, թե ինչ կարող է լինել: Այս տարածաշրջանի ամենակարևոր դեմքերից է Սիրիայի դեմոկրատական ուժերի (SDF) գլխավոր հրամանատար, գեներալ Աբդի Մազլումը։ Նա զգուշացնում է Արևմուտքին, որ ԻԼԻՊ-ն արդեն փորձում է շահարկել խառնաշփոթը:
«ԻԼԻՊ-ն այժմ ավելի ուժեղ է սիրիական անապատում: Նախկինում նրանք գտնվում էին հեռավոր շրջաններում և թաքնվում էին, բայց այժմ ավելի մեծ ազատ տեղաշարժ ունեն, քանի որ այլ խմբերի հետ խնդիրներ չունեն և հակամարտություն չունեն նրանց հետ։ Մեր վերահսկողության տակ գտնվող տարածքներում նրանց գործունեությունը նույնպես աճել է։ Ընդամենը մի քանի օր առաջ ԻԼԻՊ-ի գործողության հետևանքով Հասաքայի մոտ սպանվել են ներքին անվտանգության ուժերի երեք անդամներ»,- ասել է Մազլումը Sky News-ին տված հարցազրույցում։
SDF-ը ստեղծվել է 2015 թվականին՝ որպես կոալիցիա, որն ուղղված է ԻԼԻՊ-ի դեմ պայքարին։ SDF-ը հիմնականում կազմված է YPG-ի (Ժողովրդական պաշտպանության ստորաբաժանումներ) և YPJ-ի (YPG-ի կին համարժեքը) քուրդ մարտիկներից և աջակցվում և վերապատրաստվում է Միացյալ Նահանգների կողմից:
Թարգմանությունը՝ Էմմա Չոբանյանի
