25.12.2024 | 10:56
Գործարկվել են Երևանում կառուցված ջրի մաքրման նոր կայանն ու աղբաորսիչ սարքերը
Թուրքիան վերաբացում է 2013 թվականից փակված Սիրիայի հետ սահմանային անցակետը՝ սիրիացիների հայրենիք վերադարձի համար
Քաղաքականություն
10.12.2024 | 14:52
Թուրքիան բացում է Սիրիայի հետ սահմանային «Յայլադաղը» անցակետը՝ կառավարելու միլիոնավոր սիրիացի միգրանտների անվտանգ և կամավոր վերադարձը հայրենիք։ Duvar-ի փոխանցմամբ՝ այս մասին հայտարարել է Թուրքիայի նախագահ Ռեջեփ Թայիփ Էրդողանը։
«Մենք բացում ենք «Յայլադաղը» սահմանային դարպասը անցումների համար՝ կանխելու ցանկացած խցանումներ և հեշտացնելու երթևեկությունը։ Մենք նաև կկառավարենք ներգաղթյալների կամավոր վերադարձի գործընթացը»,- ասել է Էրդողանը։
Սիրիայի հյուսիս-արևմուտքում մոտ գտնվող «Յայլադաղը» անցակետը փակ է 2013 թվականից՝ սահմանի մոտ մարտերի պատճառով։
Ավելի վաղ Թուրքիայի ԱԳ նախարար Հաքան Ֆիդանը հայտարարել էր, որ երկիրը կաշխատի սիրիացի ներգաղթյալների անվտանգ և կամավոր վերադարձի համար։ Թուրքիան ընդունել է շուրջ 3 միլիոն սիրիացի միգրանտների և փախստականների, ինչը նրան դարձնում է քաղաքացիական պատերազմից փախած սիրիացիների ամենամեծ հյուրընկալող երկիրը:
Սիրիայում նախագահ Բաշար Ասադի վարչակազմի տապալումից հետո Թուրքիայում բնակվող սիրիացիները սկսել են վերադառնալ իրենց հայրենիք։ Թուրքական լրատվամիջոցները հայտնել էին, որ Հաթայի «Cilvegözü» սահմանային անցակետի մոտ մարդկանց հերթեր են գոյացել։
Թարգմանությունը՝ Էմմա Չոբանյանի
