17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Սիրիացի փախստականները սկսել են Թուրքիայից հայրենիք վերադառնալ
Քաղաքականություն
09.12.2024 | 18:09
Սիրիայում Բաշար Ասադի վարչակազմի տապալումից հետո Թուրքիայում բնակվող սիրիացիները սկսել են վերադառնալ իրենց երկիր, գրում են թուրքական լրատվամիջոցները։ Հաթայի «Cilvegözü» սահմանային անցակետի մոտ մարդկանց հերթեր են գոյացել։
Սիրիացիները վաղ առավոտից շարվել են Ռեյհանլի շրջանի սահմանային դարպասի մոտ՝ սպասելով մաքսային ընթացակարգերին։ Arti gercek-ը նաև կադրեր է հրապարակել տեղից։
Ժանդարմերիայի խմբերը սահմանից մոտավորապես 5 կիլոմետր հեռավորության վրա ստեղծել են առանձին անցակետ՝ խցանումները կանխելու համար։ Այստեղ ստուգումներից հետո սիրիացիներին, որոնց թույլատրում են հատել սահմանը, ուղղորդվում են դեպի «Cilvegözü» սահմանային դարպաս։
Հավելենք, որ նախօրեին էլ սիրիացի փախստականներն ամբողջ Թուրքիայում տոնել են Սիրիայի նախկին նախագահ Բաշար Ասադի վարչակարգի տապալումը։
Թարգմանությունը՝ Էմմա Չոբանյանի
