05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Վրաստանում ուժայինները խուզարկություններ են անցկացնում ընդդիմադիր կուսակցությունների գրասենյակներում․ ձերբակալվածներ կան
Քաղաքականություն
04.12.2024 | 18:23
Վրաստանում ոստիկանները խուզարկություններ են իրականացնում ընդդիմադիր կուսակցությունների գրասենյակներում։ Այս մասին հայտնել են «Ազատություն» ռադիոկայանի վրացական ծառայությունը և Tbilisi life տելեգրամ ալիքը, փոխանցում է Current time-ը։
Մասնավորապես, ոստիկանները մտել են «Ախալի», «Դրոա», «Գիրչի» կուսակցությունների գրասենյակներ, ինչպես նաև «Միասնություն-Ազգային շարժում» ընդդիմադիր կուսակցության երիտասարդական կազմակերպության գրասենյակ։ Ձերբակալվել են ընդդիմադիր «Ախալի» կուսակցության հիմնադիրը, «Հանուն փոփոխությունների» կոալիցիայի առաջնորդ Նիկա Գվարամիան և կոալիցիայի անդամ Գելա Խասայան։
«Ոստիկանությունը խուզարկություններ է անցկացնում մի քանի կուսակցությունների և հասարակական կազմակերպությունների գրասենյակներում։ Սա ընդդիմությանը վախեցնելու փորձ է»,- հայտարարել է «Հանուն փոփոխությունների» կոալիցիայի առաջնորդներից Նիկա Մելիան։
Ըստ նրա՝ իշխանությունների նման գործողությունները կհանգեցնեն Վրաստանում բողոքի ցույցերի ընդլայնման։
Նշենք, որ զանգվածային բողոքի ցույցերը Վրաստանում վերսկսվել են նոյեմբերի 28-ից՝ այն բանից հետո, երբ երկրի վարչապետ Իրակլի Կոբախիձեն հայտարարեց, որ Թբիլիսին մինչև 2028 թվականի վերջը հրաժարվում է ԵՄ անդամակցության բանակցություններից ու եվրոպական դրամաշնորհներից։
Թարգմանությունը՝ Էմմա Չոբանյանի
