07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Թբիլիսիում հատուկ ջոկատայինները ցրել են պետհամալսարանի դիմացի պողոտայում հավաքված ցուցարարներին
Քաղաքականություն
03.12.2024 | 13:22
Թբիլիսիում hատուկ նշանակության ջոկատի հայտնվելուց հետո ցուցարարները լքել են Ճավճավաձեի պողոտան, սակայն հետո կրկին վերադարձել են։ Եվրոպական ինտեգրումը դադարեցնելու մասին իշխանությունների որոշման դեմ բողոքի ցույցերը Վրաստանում շարունակվում են արդեն 6-րդ օրը, գրում է Գրուզիա օնլայնը։
Այն բանից հետո, երբ Վրաստանի ՆԳՆ ուժերը հայտնվել են Թբիլիսիի պետական համալսարանի (ԹՊՀ) առաջին մասնաշենքի մոտ, բողոքի ակցիայի մասնակիցները լքել են տարածքը և շարժվել Վակեի պուրակի ուղղությամբ։
Հաղորդվում է, որ ավելի վաղ ցուցարարներից ոմանք գրավել են ԹՊՀ առաջին շենքի հարակից տարածքը՝ Վարազիխևի փողոցի և Կեկելիձեի փողոցի խաչմերուկում։ Նրանք փակել են ԹՊՀ-ի առաջին մասնաշենք տանող ճանապարհը, բարիկադներ տեղադրել, կրակ վառել։ Սակայն հատուկ ջոկատայինների և իրավապահների հայտնվելուց անմիջապես հետո նրանք ստիպված են եղել հեռանալ հրապարակից։
Թարգմանությունը՝ Տաթև Ֆռանգյանի
