09.01.2025 | 19:30
Նիկոլ Փաշինյանը կողմ է ՀՀ-ի՝ ԵՄ-ին անդամակցելուն․ ՌԴ-ի և ԵՄ-ի միջև այլևս բալանսավորել հնարավոր չէ․ Ռոբերտ Ղևոնդյան
Մանկապարտեզից «Արաբկիր» բժշկական կենտրոն տեղափոխված 4-ամյա երեխան մահացել է
Հասարակություն
02.12.2024 | 13:46
Երևանի թիվ 28 մանկապարտեզից ծայրահեղ ծանր վիճակում «Արաբկիր» բժշկական կենտրոն է տեղափոխվել 4–ամյա երեխա, որի կյանքը բժիշկներին չի հաջողվել փրկել։ Տեղեկությունը Factor.am-ին հաստատեցին ՆԳՆ ոստիկանությունից։
«Նախնական տվյալներով՝ մարմնի վրա բռնության հետքեր առկա չեն, փաստաթղթերը փոխանցվել են նախաքննական մարմին» ,- ասաց ՆԳՆ մամուլի քարտուղար Նարեկ Սարգսյանը։
Երևանի քաղաքապետարանի լրատվության վարչությունից տեղեկացնում են, որ Երևանի թիվ 28 մանկապարտեզից առավոտյան «Արաբկիր» բժշկական կենտրոն տեղափոխված երեխայի ինքնազգացողությունը կտրուկ վատացել է, շտապ օգնություն են կանչել։ Ծնողներից մեկը որոշել է չսպասել, շտապ օգնության բրիգադի հասնելուն, 7 րոպեում հասել է մանկապարտեզ և սեփական մեքենայով երեխային տեղափոխել է «Արաբկիր» բժշկական կենտրոն, սակայն երեխայի կյանքը փրկել չի հաջողվել։
Քննչական կոմիտեի մամուլի քարտուղար Գոռ Աբրահամյանը փոխանցեց, որ դեպքի առնչությամբ քրեական վարույթ է նախաձեռնվել որպես հանկարծամահություն։ Նշանակվել է դիակի դատաբժշկական փորձաքննություն։
Անի Թամազյան
