30.04.2026 | 22:58
«Նուբարաշեն-Արին-Բերդ» ջրատարի վթարման հետևանքով Երևանի և Արարատի մարզի մի շարք հասցեներում 21 ժամ ջուր չի լինի
Վրաստանում ԵՄ դեսպանն ափսոսանք է հայտնել անդամակցությունից հրաժարվելու՝ Թբիլիսիի որոշման կապակցությամբ
Քաղաքականություն
29.11.2024 | 14:22
Կարծում եմ՝ այսօր բոլորս արթնացանք միանգամայն նոր իրականությունում։ Լսել ենք պարոն Կոբախիձեի (Վրաստանի վարչապետ Իրակլի Կոբախիձե) հայտարարությունը, որ Վրաստանը շահագրգռված չէ ինտեգրվել ԵՄ-ին առաջիկա 4 տարիների ընթացքում։ Իհարկե, այս ամենը չափազանց տխուր է։ Այս մասին հայտարարել է Վրաստանում ԵՄ դեսպան Պավել Հերչինսկին՝ մեկնաբանելով Վրաստանի վարչապետ Իրակլի Կոբախիձեի հայտարարությունը, գրում է DW-ի ռուսական ծառայությունը։
«Ես հպարտանում էի նրանով, որ Եվրամիությունը բացեց իր դռները Վրաստանի առաջ, մենք Վրաստանին շնորհեցինք ԵՄ անդամության թեկնածու երկրի կարգավիճակ, և այն, ինչ տեղի ունեցավ երեկ, ակնհայտորեն հակասում է Վրաստանի նախորդ կառավարության, Վրաստանի բոլոր նախկին կառավարությունների քաղաքականությանը, ինչպես նաև հակասում է Վրաստանի բնակչության ճնշող մեծամասնության ցանկություններին»,- ասել է ԵՄ դեսպանը։
Միաժամանակ, նա նշել է, որ Վրաստանն անկախ, ինքնիշխան երկիր է և «Վրաստանն է որոշում՝ ցանկանում է նա հետևել եվրաինտեգրման ճանապարհին»։
Հիշեցնենք, որ Վրաստանի վարչապետ Իրակլի Կոբախիձեն հայտարարել էր, որ երկիրը հրաժարվում է ԵՄ անդամակցության բանակցություններից և եվրոպական դրամաշնորհներից մինչև 2028 թվականը։
Ավելի վաղ Եվրախորհրդարանը բանաձև էր ընդունել՝ կոչ անելով չճանաչել Վրաստանում հոկտեմբերին կայացած խորհրդարանական ընտրությունները։
Թարգմանությունը՝ Էմմա Չոբանյանի
