25.11.2024 | 14:23
Ուկրաինական ԱԹՍ-ները գրոհել են Կալուգայի «Թայֆուն» ռազմարդյունաբերական գործարանը․ ՏԵՍԱՆՅՈւԹ
Վրաստանի խորհրդարանում գործարկվել է անվտանգության դեղին մակարդակ
Քաղաքականություն
25.11.2024 | 10:18
Վրաստանում այսօր նախատեսված է նորընտիր խորհրդարանի առաջին նիստը. գրում է Գրուզիա-online-ը։
Նիստը կմեկնարկի ժամը 12:00-ին։
Նշվում է, որ նորընտիր խորհրդարանի նիստի օրակարգի առաջին հարցը խորհրդարանի բոլոր 150 պատգամավորների լիազորությունների ճանաչումն է։ Նաև կընտրվեն խորհրդարանի նախագահն ու փոխնախագահները, ինչպես նաև հանձնաժողովների նախագահները։
Նշենք, որ նախօրեին Վրաստանի նախագահ Սալոմե Զուրաբիշվիլին հայտարարել էր, որ նիստը հակասահմանադրական է։ «Վրաստանի խորհրդարանի վաղվա նիստը հակասահմանադրական է. զանգվածային ընտրակեղծիքները խաթարեցին դրա լեգիտիմությունը։ Ես հրաժարվեցի առաջին նիստը հրավիրելուց, և Սահմանադրությունը չի ճանաչում որևէ մեկին, ով կարող էր փոխարինել։ Իմ բողոքը քննարկվում է Սահմանադրական դատարանում»։
Լրատվամիջոցը հայտնում է, որ Թբիլիսիի Ազատության հրապարակ հատուկ ջոկատայիններ են բերվել։ Մոբիլիզացվել է ոստիկանության հատուկ տեխնիկա․ առկա են ջրցան մեքենաներ։
Նշվում է նաև, որ Ռուսթավելի պողոտայում գիշերը հանգիստ է անցել։ Հոկտեմբերի 26-ին կայացած խորհրդարանական ընտրությունների արդյունքների դեմ բողոքողները գիշերը խարույկ են վառել։
Ցուցարարները սպասում են պատգամավորներին. նրանց են միացել Բաթումի մի քանի ուսանողներ։
Վրաստանի Հանրային ՀԸ-ի հաղորդմամբ՝ Վրաստանի խորհրդարանում գործարկվել է անվտանգության դեղին մակարդակ: Դա նշանակում է, որ շենք մուտքը սահմանափակումներով կլինի՝ պատգամավորների և աշխատակիցների անվտանգությունն ապահովելու համար։ Սահմանափակումը չի վերաբերի միայն հավատարմագրված լրագրողներին։
