30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Քաղաքականություն
21.11.2024 | 23:30
Թուրքիայում Թունջելիի դատարանը քուրդ քաղաքապետներին դատապարտել է 6 տարի 3 ամսվա ազատազրկման՝ «ահաբեկչության» մեղադրանքով, գրում են թուրքական լրատվամիջոցները։
Դատարանը Թունջելիի քաղաքապետ Ջևդեթ Քոնաքին՝ քրդամետ Ժողովուրդների հավասարություն և ժողովրդավարություն (DEM) կուսակցությունից, Օվաջըքի շրջանային քաղաքապետ Մուստաֆա Սարըգյուլին՝ գլխավոր Ժողովրդահանրապետական կուսակցությունից (CHP), ինչպես նաև Հաքքարիի պաշտոնանկ արված համաքաղաքապետ Մեհմեդ Սիդդըք Աքըշին, դատապարտել է «ահաբեկչական կազմակերպության անդամ լինելու» համար։
Աքըշը, մասնավորապես, դատապարտվել է ինը տարվա ազատազրկման՝ «ահաբեկչական կազմակերպության անունից հանցագործություններ կատարելու» և հասարակական ցույցերի մասին օրենքը խախտելու համար։
Այս քայլը տեղի է ունենում այն բանից հետո, երբ թուրքական կառավարությունը ուժեղացրել է ընդդիմադիր քաղաքապետարանների նկատմամբ ճնշումները:
Թարգմանությունը՝ Էմմա Չոբանյանի
