11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ադրբեջանը «կարևոր և արդյունավետ դիրք» է զբաղեցնում․ իրանցի և ադրբեջանցի բարձրաստիճան զինվորականները ռազմական համագործակցության հարցեր են քննարկել
Քաղաքականություն
19.11.2024 | 19:44
Թեհրանում տեղի է ունեցել Իրանի ու Ադրբեջանի Ռազմական և պաշտպանական համագործակցության համատեղ հանձնաժողովի չորրորդ հանդիպումը։ Mehr գործակալության հաղորդմամբ՝ Իրանի զինված ուժերի շտաբի պետի տեղակալ, բրիգադային գեներալ Մոհամմադ-Ռեզա Աշտիանին և Ադրբեջանի ԶՈՒ գեներալ-մայոր Ֆարիդ Ալիևը հանդիպմանն ընդգծել են հարևան երկրների միջև ռազմական և պաշտպանական համագործակցության շարունակականության կարևորությունը։
«Երկրների միջև շարունակական հարաբերությունների և փոխգործակցության շարունակական միտումը հարթակ է ծառայում նրանց հաջողության համար՝ երկրների նպատակների և ազգային շահերի շրջանակում իրենց համագործակցության բարենպաստ ընդլայնման համար»,- նշել է Աշտիանին՝ ընդգծելով, որ Ադրբեջանը «կարևոր և արդյունավետ դիրք» է զբաղեցնում Իրանի պաշտպանական և արտաքին քաղաքականության մեջ։
Աշտիանին շեշտել է՝ Հարավային Կովկասը կարևոր միջավայր է Իսլամական Հանրապետության համար անվտանգության հարցերում։
«Այս տարածաշրջանում տեղի ունեցող զարգացումները և գործընթացները, անկասկած, ազդեցություն ունեն Իսլամական Հանրապետության անվտանգության վրա»,- ասել է իրանցի գեներալը։
Իր հերթին, Ֆարիդ Ալիևը երկրների հետագա համատեղ ջանքեի կոչ է արել՝ տարածաշրջանում խաղաղության և կայունության հաստատման ուղղությամբ։
«Մենք վստահ ենք, որ կարող ենք օպտիմալ կերպով իրականացնել հանձնաժողովի վավերացումները՝ խոհեմության և միմյանց հետ համագործակցության միջոցով»,- ասել է ադրբեջանցի պաշտոնյան։
Թարգմանությունը՝ Էմմա Չոբանյանի
