19.11.2024 | 16:20
Ցանկացած պետական աշխատող պետք է պատրաստ լինի թողնել պաշտոնը․ Ժաննա Անդրեասյան․ ՏԵՍԱՆՅՈՒԹ
ՌԴ-ն ուկրաինական Սումիի մարզում ԱԹՍ-ով հանրակացարանի է հարվածել․ զոհեր և վիրավորներ կան
19.11.2024 | 12:45
Ուկրաինայի Սումիի մարզում Գլուխով քաղաքի հանրակացարանի վրա ռուսական «Շահեդ» անօդաչու թռչող սարքի հարվածի հետևանքով առնվազն 6 մարդ է զոհվել, այդ թվում՝ 1 երեխա։ Մարզային դատախազությունում հստակեցրել են, որ մահացել է 8-ամյա տղա։ Սումիի շրջանային ռազմական վարչակազմից էլ հայտնել են ևս 12 մարդու, այդ թվում՝ 2 երեխայի վիրավորվելու մասին, գրում է DW-ի ռուսական ծառայությունը։
Նշվում է, որ փլատակների տակ կարող են լինել այլ վիրավորներ։ Դեպքի վայրում փրկարարական աշխատանքները շարունակվում են։
Տեղական «Глухiв.City» տելեգրամ-ալիքը հրապարակել է գիշերային անօդաչու թռչող սարքի հարվածից հետո առաջին րոպեների տեսանյութը։ Այն ցույց է տալիս, որ հինգ հարկանի հանրակացարանի շենքի մուտքերից մեկը քանդվել է։
Ավելի վաղ հաղորդվել էր, որ երկուշաբթի ուշ երեկոյան պայթյուն է որոտացել Սումիի մարզի Գլուխով քաղաքում։
Ուկրաինայի Սումիի շրջանը սահմանակից է Ռուսաստանի Կուրսկի շրջանին, որի տարածք օգոստոսի 6-ին մտել են Ուկրաինայի զինված ուժերի ստորաբաժանումները։ Այն բանից հետո, երբ ուկրաինական բանակը ներխուժել է Կուրսկի շրջան, Սումիի շրջանում հրետակոծությունների ինտենսիվությունը զգալիորեն ավելացել է։ Տեղի վարչակազմը հայտարարել է 23 բնակավայրերի պարտադիր տարհանման մասին, որտեղ ընդհանուր առմամբ ապրում է մոտ վեց հազար մարդ։
Թարգմանությունը՝ Էմմա Չոբանյանի
