15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Բրիտանիայի խորհրդարանում Ադրբեջանում բռնաճնշումների և քաղբանտարկյալների խնդիրն է քննարկվել
Քաղաքականություն
15.11.2024 | 21:45
Մեծ Բրիտանիայի խորհրդարանի Համայնքների պալատը նախօրեին լսումներ է անցկացրել «Ակադեմիական ազատությունը և կոռուպցիան Ադրբեջանի էներգետիկ ոլորտում» թեմայով՝ նվիրված Ադրբեջանում քաղբանտարկյալների խնդրին, գրում է ադրբեջանական Turan գործակալությունը։
Միջոցառումը, որը համատեղ կազմակերպվել է Global Witness-ի և Global Magnitsky Justice Campaign-ի կողմից, վարել է Կոռուպցիայի դեմ պայքարի բոլոր կուսակցությունների խորհրդարանական խմբի ղեկավար Ջո Փաուելը:
Լսումների մասնակիցները մտահոգություն են հայտնել COP29-ը կազմակերպելու՝ Ադրբեջանի հայտի և այլախոհության դեմ շարունակվող ճնշումների առնչությամբ: Միաժամանակ, ադրբեջանցի հայտնի տնտեսագետ, դոկտոր Գուբադ Իբադօղլուին ազատ արձակելու կոչեր են հնչել։
Ելույթներում ընդգծվել է նաև Ադրբեջանում բռնաճնշումների աճը, ակադեմիական ազատության սահմանափակումները և գիտնականների բանտարկությունը: Մասնակիցները քննարկել են Մեծ Բրիտանիայում ադրբեջանական ծագման ապօրինի միջոցների դեմ ավելի կոշտ գործողությունների անհրաժեշտությունը և Մագնիտսկու գլոբալ ակտի ներքո պատժամիջոցների հնարավոր կիրառումը:
Թարգմանությունը՝ Էմմա Չոբանյանի
