08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Անհրաժեշտ է լրացուցիչ 1 մլրդ 48 մլն դրամ. Պապոյանը ծրագիր ներկայացրեց․ ՏԵՍԱՆՅՈՒԹ
Տնտեսություն
07.11.2024 | 13:19
«Ներկայացվել է այգեհիմնումն ավարտելու և փոխհատուցում ստանալու 19 դիմում»,- Կառավարության նիստում այս մասին նշեց Էկոնոմիկայի նախարար Գևորգ Պապոյանը՝ նոր ծրագիր ներկայացնելով։
«ՀՀ-ում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2022-2025 թվականների ծրագրի իրականացումը պայմանավորված է հանրապետությունում այգիների տարածքների և արտադրվող արտադրանքի, ոչ ավանդական բարձրարժեք գյուղատնտեսական արտադրանքի ծավալների ավելացման, արտադրված արտադրանքի որակի և արտաքին շուկայում մրցակցային դիրքերի բարելավման, ճյուղի ինտենսիվացման, հողային և ջրային ռեսուրսների արդյունավետ օգտագործման, բնակլիմայական աղետների հետևանքով առաջացող վնասների կանխարգելման անհրաժեշտությամբ։
Ծրագրի հիմնական նպատակն է ժամանակակից տեխնոլոգիաներով մշակվող խաղողի, ինտենսիվ պտղատու այգիների, հատապտղանոցների հիմնման, ոչ ավանդական բարձրարժեք մշակաբույսերի մշակման, ինչպես նաև ոռոգման արդիական համակարգերի և կարկտապաշտպան ցանցերի ներդրման պետական աջակցության միջոցով արդյունավետությունը խթանող գործընթացներ իրականացնել»,- նշեց նախարարը, հավելելով, որ դրա իրականացման համար լրացուցիչ ֆինանսական միջոցներ են անհրաժեշտ։
Մանրամասները՝ տեսանյութում։
