30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վրաստանում 30 տեղամասերում ընտրությունների արդյունքները չեղարկվել են
Քաղաքականություն
05.11.2024 | 14:50
Վրաստանի Տետրիցղարո քաղաքի դատարանը խախտումների պատճառով չեղարկել է 30 ընտրատեղամասերում խորհրդարանական ընտրությունների արդյունքները, գրում է News Georgia-ն։
Նշվում է, որ Վրաստանի երիտասարդ իրավաբանների ասոցիացիայի կողմից ներկայացված բողոքը վերաբերում էր ընտրատեղամասերում էլեկտրոնային քվեատուփերով քվեարկությանը։ Փորձի ժամանակ դատարանում ապացուցվել է, որ քվեաթերթիկի վրա նշումը թափանցել է ծրարի շրջանակից սարքի մեջ դնելիս։ Դատարանը վճռել է, որ չի հարգվել քվեարկության գաղտնիությունը և կարգադրել է բեկանել 30 տեղամասերում ընտրությունների արդյունքները։
Վրաստանի երիտասարդ իրավաբանների ասոցիացիան նախատեսում է հասնել խորհրդարանական ընտրությունների արդյունքների չեղարկման բոլոր ընտրատեղամասերում, որտեղ օգտագործվել են էլեկտրոնային քվեատուփեր․ դա կազմում է ձայների 90%-ը։
Հիշեցնենք՝ Վրաստանի ընդդիմադիր քաղաքական ուժերը չեն ճանաչում ընտրությունների արդյունքները և անժամկետ բողոքի ակցիաներ են հայտարարել։
Թարգմանությունը՝ Տաթև Ֆռանգյանի
