18.02.2026 | 17:38
Արտաշատում բացվել է Ամերիաբանկի նոր մասնաճյուղը․ հատուկ առաջարկներ նոր հաճախորդների համար
Ադրբեջանն ու Իրանը Կասպից ծովում համատեղ զորավարժություններ են անցկացրել
Քաղաքականություն
04.11.2024 | 18:43
Կասպից ծովում՝ իրանական տարածքային ջրերում, Ադրբեջանի և Իրանի ռազմածովային ուժերի մի խումբ զինծառայողների և նավերի մասնակցությամբ անցկացվել են «AZIREX-2024» համատեղ մարտավարական զորավարժությունները։
Ադրբեջանի ՊՆ-ի փոխանցմամբ՝ ճեպազրույցում ներկայացվել է զորավարժության նպատակը՝ նվիրված ծովում որոնողափրկարարական աշխատանքներին և կատարվող անելիքներին, տեղի են ունեցել փոխադարձ քննարկումներ։
Ադրբեջանա-իրանական ռազմական համագործակցության ամրապնդման նպատակով անցկացվող զորավարժությունների ընթացքում փրկարարական և բժշկական աշխատանքների, որոնողափրկարարական գործողությունների և նավաբեկության դեպքում նավի անվտանգության ապահովման սցենարներ են իրականացվել։
Ավելի վաղ Ադրբեջանի ՊՆ-ն հայտնել էր, որ ադրբեջանական ռազմանավերն ու անձնակազմը ժամանել են Իրան՝ զորավարժություններին մասնակցելու։
Թարգմանությունը՝ Էմմա Չոբանյանի
