23.12.2024 | 23:19
Ադրբեջանում ավելի քան 300 քաղբանտարկյալ կա․ ԱՄՆ դեսպանատունն արձագանքել է Բաքվի մեղադրանքներին
Ադրբեջանն ու Իրանը համատեղ զորավարժություններ կանցկացնեն Կասպից ծովում
Քաղաքականություն
04.11.2024 | 11:10
Ադրբեջանի և Իրանի ռազմածովային ուժերի անձնակազմի և նավերի մասնակցությամբ կանցկացվեն AZIREX-2024 համատեղ մարտավարական զորավարժությունները։ Այս մասին հայտնում է Ադրբեջանի ՊՆ-ն։
Նշվում է, որ զորավարժությունները կանցկացվեն Ադրբեջանի պաշտպանության նախարարության և Իրանի զինված ուժերի գլխավոր շտաբի միջև ստորագրված ռազմական և ռազմատեխնիկական համագործակցության համատեղ հանձնաժողովի նիստի արձանագրության համաձայն։
Ադրբեջանի ռազմածովային ուժերի անձնակազմն ու ռազմանավերը զորավարժություններին մասնակցելու համար արդեն ժամանել են իրանական Էնզելի նավահանգիստ։
Հաղորդվում է, որ «Ծովում որոնողափրկարարական գործողություններ» զորավարժություններին, որոնք անցկացվելու են Կասպից ծովի իրանական հատվածում, մասնակցելու են 2 նավ և Ադրբեջանի ռազմածովային ուժերի շուրջ 100 հոգանոց անձնակազմ։
Համատեղ զորավարժություններն անցկացվում են «Համագործակցություն հանուն խաղաղության և բարեկամության» կարգախոսի ներքո։
Թարգմանությունը՝ Էմմա Չոբանյանի
