25.06.2026 | 13:05
100 հազար դրամ պետական տուրք` 2026 թվականին արտադրված 2-րդ հեռախոս ներկրելու համար. Մխիթար Հայրապետյան․ ՏԵՍԱՆՅՈՒԹ
Թրամփը հազարավոր դոլարների պարտք ունի քարոզարշավների համար․ ABC
Քաղաքականություն
04.11.2024 | 17:15
ԱՄՆ նախագահի հանրապետական թեկնածու Դոնալդ Թրամփի նախընտրական շտաբը չի վճարել ծախսերի համար մի քանի քաղաքներում, որտեղ քաղաքական գործիչը վերջին մի քանի տարիներին հանրահավաքներ է անցկացրել, հայտնում է ABC News-ը։
Հեռուստաալիքի տվյալներով՝ «տասնյակ հազարավոր հաշիվներ» մնացել են չվճարված, մինչդեռ որոշ քաղաքային իշխանություններ որոշել են քաղաքական գործչից չգանձել պահանջվող գումարները։
Ըստ աղբյուրի՝ մի շարք դեպքերում Թրամփի նախընտրական շտաբը կես միլիոն դոլարի պարտք ունի հանրահավաքների անվտանգության և այլ ծախսերի համար։ Չվճարված հաշիվների թվում են Տեխաս նահանգի Էլ-Պասո քաղաքում 569 հազար դոլարը, Ալբուկերկում՝ 444,9 հազար դոլարը, Թյուսոնում՝ 145,2 հազար դոլարը, Էրիում՝ 98,1 հազար դոլարը, Օ-Քլերում և Գրին-Բեյում՝ 47 և 33 հազարական դոլարը։ Այս բոլոր քաղաքները մտադիր են դատական կարգով պահանջել ծախսերի փոխհատուցում:
Որոշ դեպքերում պարտքերը չեն վճարվել Դոնալդ Թրամփի՝ դեռևս 2016 թվականի առաջին քարոզարշավից հետո: Պարտքի պատճառով տեղի իշխանությունները բախվում են «հսկայական չափերի հասնող չնախատեսված ծախսերի», ինչը նրանց ստիպում է գերազանցել բյուջեն, բացատրում է ABC-ն:
Թարգմանությունը՝ Տաթև Ֆռանգյանի
