25.06.2026 | 11:50
«Մեր ընկերոջը՝ Մարտուն Գրիգորյանին կասեմ, գնա մոտը իմ անունից»․ ՀԿԿ-ն նոր գաղտնալսում է հրապարակել
Հարավային Կորեան մտադիր է թիմ ուղարկել Ուկրաինա՝ հյուսիսկորեական զորքերին վերահսկելու համար
Քաղաքականություն
30.10.2024 | 15:55
Հարավային Կորեան մտադիր է թիմ ուղարկել Ուկրաինա՝ դիտարկելու և վերլուծելու Ռուսաստանի կողմից հյուսիսկորեական ստորաբաժանումների տեղակայումը։ Այս մասին հայտարարել է Հարավային Կորեայի նախագահի ներկայացուցիչը, փոխանցում է VOA-ն։
Պաշտոնյան, որը լրագրողների հետ զրուցել է անանունության պայմանով, ասել է, որ Սեուլը և նրա դաշնակիցները գնահատում են, որ առնվազն 11,000 հյուսիսկորեացի զինվորներ են տեղափոխվել Ռուսաստան, և նրանցից ավելի քան 3,000-ն այժմ տեղակայված են Ուկրաինայի առաջնագծի մոտ:
Ուկրաինայի նախագահ Վլադիմիր Զելենսկին երեքշաբթի հայտարարել է, որ հազարավոր հյուսիսկորեացի զինվորներ, որոնք, ինչպես ակնկալվում է, պետք է ուժեղացնեն ռուսական զորքերն առաջնագծում, շուրջ երեք տարի պատերազմ են մղում հակամարտող կողմերի սահմաններից դուրս: Զելենսկին ասել է, որ խոսել է Հարավային Կորեայի նախագահ Յուն Սյոկ Յոլի հետ և նրան ասել, որ 3000 հյուսիսկորեացի զինվորներ արդեն գտնվում են ռազմաբազաներում՝ ռազմաճակատի գծի մոտ, և որ կանխատեսում է, որ այդ թիվը կավելանա մինչև 12,000-ի։
«Եզրակացությունը մեկն է՝ այս պատերազմը միջազգայնացվում է և դուրս է գալիս երկու երկրների (Ուկրաինայի և Ռուսաստանի) սահմաններից»,- գրել է Զելենսկին Telegram-ում։
Թարգմանությունը՝ Տաթև Ֆռանգյանի
