21.04.2026 | 16:39
Ամիրյան փողոցը «Պապ թագավորի» անունով փոխելը պիտի բոլորի հետ քննարկվե՞ր․ նախաձեռնության հեղինակ․ ՏԵՍԱՆՅՈՒԹ
ՌԴ քաղաքացիություն ստացած Լևոն Ջուլֆալակյանն աշխատելու է Ռուսաստանի ընբշամարտի ֆեդերացիայում
22.10.2024 | 16:12
Հունահռոմեական ոճի ըմբշամարտի 1988 թվականի օլիմպիական չեմպիոն, Հայաստանի հունահռոմեական ոճի ըմբշամարտի հավաքականի նախկին գլխավոր մարզիչ Լևոն Ջուլֆալակյանը, որը ՌԴ քաղաքացիություն է ստացել, միանալու է Ռուսաստանի ըմբշամարտի ֆեդերացիայի կառույցին։ Այս մասին ՏԱՍՍ-ին հայտնել է կազմակերպության նախագահ Միխայիլ Մամիաշվիլին։
«Լևոն Ջուլֆալակյանը մեր սպորտի վառ ներկայացուցիչ է, նրա ամբողջ կյանքը կապված է միայն ըմբշամարտի հարթակում աշխատանքի հետ։ Նրա հսկայական փորձը թույլ է տվել իրեն շատ դժվար պայմաններում հաջողության հասնել Հայաստանի հավաքականի հետ»,- ասել է Մամիաշվիլին։
Նա հավելել է, որ իր, Ալեքսանդր Կարելինի ու Կամանդար Մաջիդովի հետ Ջուլֆալակյանը 1988 թվականին հաղթել է Սեուլի Օլիմպիական խաղերում։
«Նա լինելու է Ռուսաստանի ըմբշամարտի ֆեդերացիայի կառուցվածքում՝ որպես խորհրդատու, խորհրդական և մեր ընկեր»,- ասել է Մամիաշվիլին՝ հիշեցնելով, որ որ Ջուլֆալակյանի որդին՝ Լոնդոնի Օլիմպիական խաղերի մեդալակիր Արսեն Ջուլֆալակյանը, շուրջ տասը տարի եղել է օլիմպիական կրկնակի չեմպիոն Ռոման Վլասովի գլխավոր մրցակիցներից մեկը։
Հիշեցնենք, որ ՌԴ նախագահ Վլադիմիր Պուտինը Լևոն Ջուլֆալակյանին շնորհել է Ռուսաստանի քաղաքացիություն։
Թարգմանությունը՝ Էմմա Չոբանյանի
