08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Կարդալ իմանալը մի բան է, հասկանալը՝ այլ․ ֆունկցիոնալ անգրագիտության ցուցանիշը ՀՀ դպրոցներում. ՏԵՍԱՆՅՈՒԹ
Հասարակություն
17.10.2024 | 20:00
Հայաստանում դպրոց հաճախելու ցուցանիշները վատթարացել են․ այս մասին հայտարարություն են տարածել ՄԱԿ-ի երեխաների իրավունքների կոմիտեի փորձագետները։ Մասնագետներին մտահոգել է հատկապես ավագ դպրոցներում հաճախելիության պատկերը։
ՀՀ Վիճակագրական կոմիտեի տվյալներով՝ հանրակրթական դպրոցներից հեռացած (ուսումն անավարտ թողած) աշակերտների թիվը 2023-2024 ուսումնական տարվա սկզբին 355 է, որից 99-ը՝ ավագ դպրոցից։ Ըստ կոմիտեի՝ գլխավոր պատճառներն են սոցիալ-տնտեսական վատ պայմանները, այն, որ ծնողները չեն ուղարկում երեխաներին դպրոց կամ թույլ չեն տալիս, անկարողությունը, մասնավորապես՝ լսողական, տեսողական, հենաշարժողական, մտավոր թերզարգացումը, բազմահաշմանդամությունը։
Ոլորտի հայաստանցի մասնագետներն ավագ դպրոցում հաճախելիության ցուցանիշների վատթարացման իրենց պատճառներն են առաջ քաշում։
«Մեզ մոտ 12-ամյա կրթությունը պարտադիր է, և շատերը 10-րդ դասարանից աշխատում են։ Շատ ընտանիքներ իսկապես սոցիալական խնդիրներ ունեն։ Սովորողների զգալի մասը մինչև 9-րդ դասարանը չունի համապատասխան գիտելիքներ և ավագ դպրոցում ուսումը շարունակելու իմաստ էլ չի տեսնում»,- ասում է կրթության փորձագետ Սերոբ Խաչատրյանը։
ՄԱԿ-ի երեխաների իրավունքների կոմիտեն մտահոգություն է հայտնում նաև հայաստանյան դպրոցներում ուսման արդյունքների նվազման կապակցությամբ։ Օրինակ` հաճախ բացակայում են կարդալու նվազագույն հմտությունները։
ԹԻՄՍ-ի (TIMSS) վերջին՝ 2019 թվականի զեկույցի համաձայն էլ՝ Հայաստանում կրտսեր դպրոցի շրջանավարտների ֆունկցիոնալ անգրագիտության պայմանական շեմից՝ 400 բալից ցածր հավաքած սովորողների մասնաբաժինը 30 տոկոսից կրճատվել է 20 տոկոսի, ինչը, միևնույն է, ըստ փորձագետների, մտահոգիչ ցուցանիշ է։
Մանրամասները՝ տեսանյութում։
Աննա Բաբաջանյան
