24.06.2026 | 11:55
ՍԴ-ն ԱԱԾ-ից պահանջել է ընտրությունների օրերին ՀՀ մուտք գործած քաղաքացիների վերաբերյալ տվյալներ
Իսրայելի վարչապետը չպետք է մոռանա, որ իր երկիրը ստեղծվել է ՄԱԿ-ի որոշմամբ․ Մակրոն
Քաղաքականություն
16.10.2024 | 13:59
Իսրայելի վարչապետ Բենիամին Նեթանյահուն չպետք է մոռանա, որ իր երկիրը ստեղծվել է ՄԱԿ-ի կողմից ընդունված բանաձևի արդյունքում։ Այս մասին հայտարարել է Ֆրանսիայի նախագահ Էմանուել Մակրոնը՝ կոչ անելով Իսրայելին ենթարկվել ՄԱԿ-ի որոշումներին, գրում է France 24-ը։
«Պարոն Նեթանյահուն չպետք է մոռանա, որ իր երկիրը ստեղծվել է ՄԱԿ-ի որոշմամբ»,- ասել է Մակրոնը Ֆրանսիայի կառավարության նիստում՝ նկատի ունենալով 1947 թվականի նոյեմբերին ՄԱԿ-ի Գլխավոր վեհաժողովի կողմից ընդունված բանաձևը Պաղեստինը հրեական և արաբական պետությունների բաժանելու ծրագրի վերաբերյալ։
«Այնպես որ՝ այժմ ժամանակը չէ անտեսելու ՄԱԿ-ի որոշումները»,- հավելել է նա։
Ըստ լրատվամիջոցի՝ Ելիսեյան պալատում փակ հանդիպման ժամանակ Մակրոնի մեկնաբանությունները մեջբերել է հավաքի մի մասնակից, որը խոսել է AFP-ի հետ անանունության պայմանով։
ՄԱԿ-ի Անվտանգության խորհրդի 1701 բանաձևում ասվում է, որ հարավային Լիբանանում պետք է տեղակայվեն միայն լիբանանյան բանակը եւ ՄԱԿ-ի խաղաղապահ առաքելությունը՝ UNIFIL-ը։
Նեթանյահուն կիրակի ՄԱԿ-ին կոչ էր արել տեղափոխել 10,000-անոց խաղաղապահ ուժերը, որոնք ներառում են 700 ֆրանսիացի զինվորների, ասելով, թե «Հըզբոլլահ»-ը խաղաղապահներին օգտագործում է որպես «մարդկային վահան»:
Թարգմանությունը՝ Էմմա Չոբանյանի
