01.10.2024 | 19:24
«Ինչպե՞ս ես ամուսնուդ դեմ բողոքում». բռնության ենթարկված կանայք նախըտրում են ոստիկանություն չդիմել. ՏԵՍԱՆՅՈՒԹ
«Հըզբոլլահ»-ը հերքում է, որ իսրայելական զորքերը մտել են Լիբանանի տարածք
Քաղաքականություն
01.10.2024 | 15:34
Լիբանանյան «Հըզբոլլահ» խմբավորումը հերքել է, որ իսրայելական զորքերը մտել են Լիբանանի տարածք, սակայն հայտարարել է, որ իր զինյալները պատրաստ են «ուղիղ առճակատման», եթե իսրայելցիները հատեն սահմանը, գրում է AP-ն։
Իսրայելի կողմից ցամաքային գործողության մեկնարկի մասին հայտարարությունից հետո «Հըզբոլլահ»-ի խոսնակ Մուհամմեդ Աֆիֆին ասել է, որ իսրայելական զորքերի՝ Լիբանան մուտք գործելու մասին լուրերը «կեղծ հայտարարություններ են»: Նա ասել է, որ «Հըզբոլլահ»-ի մարտիկները պատրաստ են «ուղիղ առճակատման թշնամու ուժերի հետ, որոնք համարձակվում կամ փորձում են մտնել Լիբանան՝ նրանց զոհեր պատճառելու համար»:
Աֆիֆին նաև նշել է, որ միջին հեռահարության հրթիռների արձակումը կենտրոնական Իսրայելի ուղղությամբ «միայն սկիզբն է»:
Թարգմանությունը՝ Էմմա Չոբանյանի
