07.10.2026 | 20:18
Ավինյանի խոստումից 4 ամիս անց․ ինչու է դադարել Արին Բերդի փողոցի 1 մլրդ դրամանոց հիմնանորոգումը. ՏԵՍԱՆՅՈՒԹ
Շոյգուն հայտարարել է, որ Մոսկվան աջակցում է Ադրբեջանի հետ միջանցքների հետ կապված Իրանի քաղաքականությանը
Քաղաքականություն
18.09.2024 | 11:33
Ռուսաստանի անվտանգության խորհրդի քարտուղար Սերգեյ Շոյգուն նախօրեին Թեհրանում հանդիպել է Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանի հետ և իրանական կողմին է փոխանցել ՌԴ նախագահ Վլադիմիր Պուտինի ուղերձը, գրում է Mehr գործակալությունը։
Նշվում է, որ Շոյգուն Թեհրան է ժամանել Պուտինի հանձնարարականի համաձայն՝ կյանքի կոչելու Իսլամական հեղափոխության առաջնորդի ներկայացուցչի և Ազգային անվտանգության գերագույն խորհրդի քարտուղարի՝ Պետերբուրգ այցի ընթացքում կողմերի միջև ձեռք բերված պայմանավորվածությունները։
Իրանցի գործընկերոջ հետ հանդիպմանը Սերգեյ Շոյգուն վերահաստատել է աջակցությունը Ադրբեջանի հետ միջանցքների և հաղորդակցության ուղիների առնչությամբ Իրանի քաղաքականությանը։
Պուտինի ուղերձը ռուսաստանցի պաշտոնյան փոխանցել է նաև Իրանի նախագահ Մասուդ Փեզեշքիանին։ Հանդիպման ընթացքում Փեզեշքիանը մատնանշել է երկու երկրների միջև կառուցողական հարաբերությունները՝ ասելով, որ իր վարչակազմը լրջորեն հետամուտ է լինելու Իրանի և Ռուսաստանի միջև հարաբերությունների բարելավմանը։ Նա նշել է, որ Թեհրանի և Մոսկվայի հարաբերությունների խորացումն ու ամրապնդումը կնվազեցնի երկու երկրների դեմ պատժամիջոցների ու անարդար միջոցների արդյունավետությունը։
Շոյգուն իր հերթին ընդգծել է՝ նախագահ Պուտինը խնդրել է իրեն ուղերձ փոխանցել Իրանի բարձրաստիճան պաշտոնյաներին այն մասին, որ Ռուսաստանի դիրքորոշումը տարածաշրջանային հարցերում Թեհրանի հետ համագործակցելու հետ կապված չի փոխվել։
Թարգմանությունը՝ Էմմա Չոբանյանի
