22.11.2024 | 19:31
Լուկաշենկոն սպառնացել է «ամբողջությամբ ինտերնետը անջատել» բողոքի ակցիաների դեպքում
Վիետնամի հյուսիսում ջրհեղեղների հետևանքով զոհվել է 233 մարդ, ավելի քան 800-ը՝ վնասվածքներ ստացել
Քաղաքականություն
13.09.2024 | 11:30
Վիետնամի հյուսիսում «Յագի» թայֆունից առաջացած ջրհեղեղի հետևանքով առնվազն 233 մարդ է զոհվել, 823-ը՝ վիրավորվել։ Գործակալության տվյալներով՝ 103 մարդ անհետ կորած է համարվում, գրում է Կոմերսանտը։
Արտակարգ ծառայությունների տվյալներով՝ Վիետնամի 26 նահանգներում և քաղաքներում ջրհեղեղի հետևանքով ջրի տակ է անցել և ավերվել ավելի քան 204 հազար տուն և շինություն, վնասվել են նաև էլեկտրահաղորդման և կապի գծերը։ Ջրհեղեղը ոչնչացրել է ավելի քան 263 հազար հեկտար գյուղատնտեսական տարածքներ, որտեղ աճեցվում էին բրինձ, մրգեր և այլ մշակաբույսեր։
Փրկարարական-վերականգնողական աշխատանքներին մասնակցում են Վիետնամի ժողովրդական բանակի և ժողովրդական միլիցիայի ստորաբաժանումները։ Ամբողջ երկրում կազմակերպվել է դրամահավաք՝ տուժածներին օգնելու համար։
«Յագի» սուպեր թայֆունը Հարավարևելյան Ասիայի տարածաշրջանում մոլեգնում է սեպտեմբերի 1-ից: Այն ավերածությունների և մարդկային կորուստների պատճառ է դարձել նաև Ֆիլիպիններում, Չինաստանում և Հոնկոնգում: 11
