08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
ԵՄ ծրագիրն աջակցում է ՆԳՆ հանրային հաղորդակցության և իրազեկման վարչության կարողությունների զարգացմանը
11.09.2024 | 16:21
ՆԳ նախարարի մամուլի քարտուղար, ՆԳՆ հանրային հաղորդակցության և իրազեկման վարչության պետ Նարեկ Սարգսյանը սեպտեմբերի 11-ին ընդունել է ԵՄ կողմից ֆինանսավորվող «Աջակցություն ՀՀ իրավապահ մարմինների և անվտանգության ոլորտի բարեփոխումներին» ծրագրի թիմի ղեկավար Թոմաս Բիկմանասին և ազգային փորձագետ Արևիկ Սիմոնյանին․ տեղեկացնում են ՆԳՆ ոստիկանությունից։
Տեխնիկական աջակցության շրջանակում՝ Հանրային հաղորդակցության և իրազեկման վարչությանը Ծրագրի կողմից հանձնվել են մասնագիտական սարքավորումներ։
Վարչության պետ Նարեկ Սարգսյանը ողջունելով ներկաներին՝ շնորհակալություն է հայտնել ԵՄ-ին և լիտվացի գործընկերներին թե՛ հանրային հաղորդակցության և իրազեկման կարողությունների զարգացման ուղղությամբ անցկացված դասընթացների, թե՛ տրամադրված տեխնիկական աջակցության համար։
Հանդիպման ընթացքում քննարկվել են համագործակցության ընդլայնման և փոխադարձ հետաքրքրություն ներկայացնող այլ հարցեր։
