18.09.2024 | 23:26
Շախմատի համաշխարհային Oլիմպիադա․ Հայաստանի տղամարդկանց հավաքականը հաղթեց Անգլիայի ընտրանուն
Շատ լույսեր, երաժշտություն ու անձրև․ Փարիզում ավարտվել են ամառային Պարալիմպիկ խաղերը․ ԼՈՒՍԱՆԿԱՐՆԵՐ
Քաղաքականություն
09.09.2024 | 12:55
Փարիզում տեղի է ունեցել XVII ամառային պարալիմպիկ խաղերի փակման գունեղ արարողությունը։ «Ստադ դը Ֆրանս» մարզադաշտում հավաքվել են 168 պատվիրակությունների գրեթե 4,5 հազար մարզիկներ։
Կազմակերպիչների խոսքով՝ իրենք արարողությունը ծրագրել են որպես լույսերով ու երաժշտությամբ լի մեծ երեկույթ։ Դրա համար նրանք հրավիրել են 24 ֆրանսիացի երաժիշտների։
Խաղերի փակման արարողության ժամանակ թիմերը ավանդաբար քայլում են պատահական հերթականությամբ՝ ի տարբերություն բացման միջոցառումների ժամանակ ընդունված խիստ այբբենական հաջորդականության։
Եղանակի հետ կապված կազմակերպիչների բախտը կրկին փոքր-ինչ չի բերել. անձրևը խանգարել էր Փարիզում Օլիմպիական խաղերի բացման արարողությանը, անձրև է տեղացել նաև Պարալիմպիկ խաղերի փակման արարողությանը։
Պարալիմպիկ խաղերի ավարտին մեդալային հաշվարկում առաջատարը Չինաստանն է՝ 94 ոսկե մեդալով, երկրորդ տեղում՝ Բրիտանիան, երրորդում՝ ԱՄՆ-ը։ Լավագույն հնգյակը եզրափակում են Նիդերլանդներն ու Բրազիլիան։
