05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
«Մեր հասարակությունը պատրաստ է հավատալ ցանկացած անհեթեթության». ապաքաղաքական զրույց Դավիթ Ալավերդյանի հետ․ ՏԵՍԱՆՅՈՒԹ
Հաղորդաշարեր
25.08.2024 | 21:00
Factor TV-ի A-politic հաղորդաշարի հյուրն է «Մեդիամաքս» գործակալության գլխավոր խմբագիր Դավիթ Ալավերդյանը: Նրա կարծիքով՝ համատարած մանիպուլյացիաների և կեղծ լուրերի մթնոլորտում լուրջ լրատվությամբ զբաղվող մարդկանց հիասթափությունները գրեթե անխուսափելի են: Բայց, ըստ խմբագրի, երբ հանդիպում ես մարդկանց, առավել ևս երիտասարդերի, որոնք ձգտում են բարձրացնել իրենց մեդիագրագրագիտության մակարդակը, համոզմունք է ձևավորվում, որ ջանքերն իզուր չեն:
Ներկայիս իրավիճակի առանձնահատկությունն այն է, որ մանիպուլյացիաներով զբաղվում են ոչ միայն քարոզչության հարցերում մասնագիտացած մարդիկ, այլև սոցիալական ցանցերում գրանցված միլիոնավոր օգտատերեր: Դա է պատճառներից մեկը, որ քննադատական մտածելակերպին չտիրապետող մեր հասարակությունը պատրաստ է հավատալ ցանկացած անհեթեթության: Դա հասարակության լուրջ հիվանդության ախտանիշ է:
Արևմտյան որոշ երկրներում օրենսդրական քայլեր են ձեռնարկվում կեղծ տեղեկությունների դեմն առնելու համար: Սակայն այստեղ մի շատ կարևոր գիծ կա անարխիայի և դիկտատուրայի միջև, որի մեջ փորձում են տեղավորվել ժողովրդավարական երկրները: Ցանկացած իշխանություն ձգտում է օգտագործել իր հնարավորությունները՝ ընդդիմախոսներին «զսպելու» համար: Լրագրողական հանրությունը պետք է աչալուրջ լինի՝ այդ նկրտումներին հակադրվելու համար:
Մանրամասները՝ տեսանյութում։
Արամ Աբրահամյան
