30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բայդենը հավանություն է տվել ՌԴ-ի, Չինաստանի և Հյուսիսային Կորեայի հետ միջուկային հակամարտության գաղտնի ծրագրին․ NYT
Քաղաքականություն
21.08.2024 | 12:53
ԱՄՆ նախագահ Ջո Բայդենը հաստատել է խիստ գաղտնի միջուկային ռազմավարության ծրագիրը, որն առաջին անգամ ներառում է Չինաստանին զսպելու միջոցառումները, գրում է The New York Times-ը։
Որոշվել է թարմացնել փաստաթուղթը, քանի որ Պենտագոնը մտավախություն ունի, որ առաջիկա տասնամյակում չինական միջուկային զենքի պաշարները կհավասարվեն ամերիկյանին և ռուսականին։ Ավելի վաղ ժամանակներում զսպման քաղաքականությունը հիմնականում ուղղված էր ԽՍՀՄ-ի դեմ։
Բացի այդ, ռազմավարությունը նախատեսում է ԱՄՆ-ին նախապատրաստել Չինաստանի, Ռուսաստանի և Հյուսիսային Կորեայի կողմից հնարավոր համակարգված միջուկային մարտահրավերներին: Փաստաթուղթը թարմացվում է չորս տարին մեկ անգամ, սակայն գաղտնիության ամենաբարձր աստիճանի պատճառով այն պատճենվում է միայն թղթային ձևով և բաժանվում ազգային անվտանգության գործակալությունների մի քանի ղեկավարների և ԱՄՆ պաշտպանության նախարարությանը:
Բայդենը նոր պլանին հավանություն է տվել մարտին, բայց դրա մասին հրապարակայնորեն չի հայտարարվել, և միայն վերջին հրապարակային ելույթներում վարչակազմի երկու բարձրաստիճան պաշտոնյաների թույլ են տվել անդրադառնալ ռազմավարության վերանայմանը, ասել են NYT-ի աղբյուրները:
«Թեև ԱՄՆ հետախուզության գնահատականները ենթադրում են, որ Չինաստանը կարող է մինչև 2030 թվականն ավելացնել իր միջուկային մարտագլխիկները 500-ից մինչև 1000, Ռուսաստանն արդեն ունի մոտ 4000 մարտագլխիկ»,- նշել է Զենքի վերահսկման ասոցիացիայի գործադիր տնօրեն Դերիլ Քիմբալը:
