09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Կիմ Չեն Ընը խոսել է Կորեական թերակղզում միջուկային պատերազմի մասին
Քաղաքականություն
22.11.2024 | 17:48
Հյուսիսային Կորեայի առաջնորդ Կիմ Չեն Ընը մեղադրել է ԱՄՆ-ին լարվածության աճի և սադրանքների մեջ։ Այս մասին նա ասել է Փհենյանում սպառազինությունների ցուցահանդեսի բացման արարողության ժամանակ, հայտնում է Reuters-ը՝ հյուսիսկորեական պետական լրատվամիջոցներին հղումով։
«Նախկինում Կորեական թերակղզում հակամարտող կողմերը չեն եղել այնպիսի վտանգավոր և սուր առճակատման մեջ, որը ցանկացած պահի կարող է վերաճել ամենակործանարար ջերմամիջուկային պատերազմի»,- ասել է Կիմը։
Նա կոչ է արել զարգացնել և արդիականացնել սպառազինությունները, խոստացել է շարունակել կատարելագործել պաշտպանական կարողությունները՝ ամրապնդելու երկրի ռազմավարական դիրքը:
Ինչպես գիտեք, 2018 և 2019 թվականներին, իրենց առաջին նախագահության ընթացքում, Դոնալդ Թրամփը և Կիմը երեք աննախադեպ հանդիպում են անցկացրել Սինգապուրում, Հանոյում և Հարավային Կորեայի հետ ԿԺԴՀ սահմանին։
Այնուամենայնիվ, նրանց դիվանագիտությունը էական արդյունքի չի հասել՝ կապված միջուկային զենքից հրաժարվելու Վաշինգտոնի կոչերի և պատժամիջոցները մեղմելու Կիմի պահանջների միջև խորը տարաձայնությունների հետ:
Հյուսիսային Կորեայի պետական լրատվամիջոցները մինչ այժմ չեն հայտնել ԱՄՆ նախագահական ընտրություններում Թրամփի հաղթանակի մասին։
Թարգմանությունը՝ Տաթև Ֆռանգյանի
