13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Բրազիլիան հետաքրքրված է տեխնլոգիական ոլորտում Հայաստանի հետ համագործակցությամբ
Տնտեսություն
22.11.2024 | 18:16
ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը նոյեմբերի 22-ին ընդունել է Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Ֆաբիո Վազ Պիտալուգային:
«Դեսպան Ֆաբիո Վազ Պիտալուգան ընդգծել է, որ Բրազիլիայի ոլորտային համապատասխան նախարարությունը հետաքրքրված է Հայաստանի հետ բազմաշերտ գործակցություն ծավալելու տեխնոլոգիական ոլորտի հնարվոր բոլոր ուղղություններով։ Դեսպանը նաև նշել է, որ բրազիլական մի շարք ընկերություններ ևս հետաքրքրված են հայկական ընկերությունների հետ համագործակցելու հնարավորություններով»,- ասված է գերատեսչության տարածած հաղորդագրությունում։
Քննարկել են ճարտարագիտության, թվայնացման, արհեստական բանականության, կիբեռանվտանգության, տիեզերական տեխնոլոգիաների, հետազոտությունների և մշակումների (R&D), գիտության, նորարարության, մի շարք այլ ոլորտներով և ուղղություններով գործակցության ընդլայնման, փոխշահավետ ծրագրերի իրականացման հեռանկարներն ու հնարավորությունները։
Նշվում է, որ պայմանավորվածություն է ձեռք բերվել առաջիկայում երկուստեք գործուն քայլեր իրականացնել՝ համագործակցության վերաբերյալ պայմանավորվածություններն առավել առարկայական փուլ տեղափոխելու համար։
