10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
Տոկաևը Ուկրաինայի շուրջ իրավիճակի սրման պատճառով հանձնարարել է ռազմական ու քաղաքացիական օբկետների պաշտպանության հրատապ միջոցներ ձեռնարկել
Քաղաքականություն
22.11.2024 | 18:32
Ղազախստանի նախագահ Կասիմ Ժոմարտ Տոկաևը հանձնարարել է վարչապետ Օլժաս Բեկտենովին, նախագահի աշխատակազմի ղեկավար Այբեկ Դադեբային, բոլոր ուժային կառույցների ղեկավարներին և բարձրաստիճան պաշտոնյաներին հրատապ միջոցներ ձեռնարկել՝ ապահովելու հիմնական ռազմական և քաղաքացիական օբյեկտների անվտանգությունը՝ կապված Ուկրաինայի շուրջ իրավիճակի սրման հետ։ Այս մասին հայտնում է Kapital.kz-ը՝ Տոկաևի մամուլի քարտուղար Բերիկ Ուալիին վկայակոչելով։
Նշվում է, որ ձեռնարկվող միջոցառումների մասին տեղեկացվել են Ղազախստանի խորհրդարանի պալատների նախագահները։
«Երկրում իրադրությունը գտնվում է նախագահի անձնական վերահսկողության ներքո։ Մեր պետության համար հիմնական ռազմավարական նպատակը կայունության, հանգստության, օրինականության պահպանումն է։ Ղազախստանը բազմիցս հանդես է եկել երկու սլավոնական ժողովուրդների միջև ռազմական գործողությունների դադարեցման հարցը բանակցությունների միջոցով լուծելու օգտին»,- գրել է Բերիկ Ուալին ֆեյսբուքյան իր էջում։
Հաղորդվում է, որ այսօր արդեն Ղազախստանի վարչապետ Օլժաս Բեկտենովը օպերատիվ խորհրդակցություն է անցկացրել՝ Ուկրաինայի շուրջ ստեղծված իրավիճակի հետ կապված Տոկաևի հանձնարարականի հետ շուրջ՝ պաշտպանության, ներքին գործերի, արտակարգ իրավիճակների, արտաքին գործերի, առողջապահության, տրանսպորտի, էներգետիկայի, արդյունաբերության և շինարարության, ազգային տնտեսության, ֆինանսների նախարարությունների ղեկավարների հետ։
Բեկտենովը լսել է պաշտպանության նախարար Ռուսլան Ժակսիլիկովի զեկույցը ռազմավարական և ենթակառուցվածքային օբյեկտների պահպանությունն ապահովելու ուղղությամբ իրականացվող աշխատանքների մասին և մի շարք առաջադրանքներ ներկայացրել՝ ուղղված պետական մարմինների գործողությունների ուժեղացմանը։ Ուշադրություն է դարձվում կայունության և հասարակական կարգի պահպանման, տրանսպորտային հաղորդակցության անվտանգության, կենսապահովման օբյեկտների գործունեության և այլ հարցերին։
Հիշեցնենք, որ ՌԴ նախագահ Վլադիմիր Պուտինը հանդես էր եկել հեռուստաուղերձով, որում ասել էր, որ բալիստիկ հրթիռի հարվածը ուկրաինական Դնեպրին պատասխան էր Ռուսաստանի տարածքում ATACMS և Storm Shadow հրթիռներով հարվածներին։ Նա նշել էր, որ Ռուսաստանը հարված է հասցրել նորագույն «Орешник» հրթիռով և սպառնացել հետագայում ևս դա կիրառել նույնիսկ ՆԱՏՕ-ի երկրների ռազմական օբյեկտների դեմ:
Թարգմանությունը՝ Էմմա Չոբանյանի
