23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
«Ճգնաժամ չկա, բայց չկա նաև գիտական դպրոց». ապաքաղաքական զրույց Սոնա Բալասանյանի հետ. ՏԵՍԱՆՅՈՒԹ
Հաղորդաշարեր
18.08.2024 | 21:00
Factor TV-ի A-politic հաղորդաշարի հյուրն է սոցիոլոգ, «Հետազոտական ռեսուրսների կովկասյան կենտրոն-Հայաստան» կազմակերպության գործադիր տնօրեն Սոնա Բալասանյանը: Նրա համոզմամբ՝ Հայաստանում չկա սոցիոլոգիայի (հասարակագիտության, քաղաքագիտության) ճգնաժամ, պարզապես գիտական այդ ոլորտը շատ երիտասարդ է, քանի որ խորհրդային շրջանում այն, ըստ էության, գոյություն չուներ: Այդ հանգամանքը մեծապես խոչընդոտում է գիտական ավանդույթների ձևավորմանը:
Անդրադառնալով հարցին, թե որ գործոններն են ազդում սոցիոլոգիայի զարգացման վրա, հաղորդման հյուրը նշում է նախևառաջ քաղաքական ռեժիմները: Օրինակ, Ադրբեջանի և Թուրքիայի ավտորիտարիզմն արգելակում է հասարակության մեջ խնդիրների ազատ քննարկումը, տեսակետների բախումը: Մյուս գործոնը հասարակական պահանջն է, և այդ առումով սոցիոլոգների ու հայաստանյան հասարակության հարաբերությունները հարթ չեն ընթանում:
Հնարավո՞ր են, արդյոք, գյուտեր հասարակական գիտություններում: Ըստ Սոնա Բալասանյանի՝ դրանք միանգամայն հնարավոր են: Այդ գիտությունները միանգամից արձագանքում են բեկումնային իրադարձություններին և իմաստավորում ընթացքը՝ ձևակերպելով որոշակի օրինաչափություններ:
Մանրամասները՝ տեսանյութում:
Արամ Աբրահամյան
