01.11.2024 | 19:22
Գյումրիի ավագանու «Բալասանյան դաշինքը» 13 թափուր մանդատ ունի, 1 թեկնածու մանդատ է վերցրել
Զապորոժիեի ԱԷԿ-ում անվադողերի կամ ԱԹՍ-ների մնացորդներ չկան. ՄԱԳԱՏԷ
Քաղաքականություն
13.08.2024 | 12:33
Ատոմային էներգիայի միջազգային գործակալության (ՄԱԳԱՏԷ) փորձագետները ժամանել են Զապորոժիեի ատոմակայանում վերջերս բռնկված հրդեհի վայր՝ դրա հովացման աշտարակներից մեկում հրդեհի հետևանքները գնահատելու համար, գրում է DW-ի ռուսական ծառայությունը:
«Շրջայցի ընթացքում անվադողերի կամ անօդաչու թռչող սարքի մնացորդներ չեն հայտնաբերվել»,- ասվում է ՄԱԳԱՏԷ-ի հայտարարության մեջ։
Փորձագետների խումբը նաև հաստատել է, որ հովացման աշտարակի հիմքում «աղբի, մոխրի կամ մրի խանգարման» էական նշաններ չեն եղել: Կայանի միջուկային անվտանգությունը չի տուժել, քանի որ հովացման աշտարակները ներկայում չեն գործում, հավելել են փորձագետները:
«Հիմնվելով դիտարկումների վրա՝ թիմը եզրակացրել է, որ քիչ հավանական է, որ հրդեհի առաջնային աղբյուրը սկսվել է հովացման աշտարակի հիմքում։ Թիմի՝ հովացման աշտարակ այցելության ժամանակ պարզվել է, որ վնասը, ամենայն հավանականությամբ, կենտրոնացած է աշտարակի ներսում՝ ջրի բաշխման մակարդակում՝ մոտավորապես տասը մետր բարձրության վրա»,- զեկույցում մեջբերում է ՄԱԳԱՏԷ-ի գլխավոր տնօրեն Ռաֆայել Գրոսսին:
