30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Մեծ Բրիտանիայի և Իրանի ԱԳ նախարարները հեռախոսազրույց են ունեցել
Քաղաքականություն
07.08.2024 | 18:03
Իրանի արտաքին գործերի նախարարի պաշտոնակատար Ալի Բաղերի Քանին հայտարարել է, որ որոշ եվրոպական երկրների լռությունն իսրայելական ռեժիմի հանցագործությունների դեմ նրան ավելի ամբարտավան է դարձնում։ IRNA-ի փոխանցմամբ՝ այս մասին նա ասել է Մեծ Բրիտանիայի արտաքին գործերի նախարար Դեյվիդ Լամիի հետ հեռախոսազրույցում։
Նշվում է, որ Քանին քննարկել է «սիոնիստական ռեժիմի ագրեսիվ և ահաբեկչական գործողությունները, որոնք հանգեցրին անցյալ շաբաթ Թեհրանում ՀԱՄԱՍ-ի քաղբյուրոյի ղեկավարի նահատակությանը»։
Նա նշել է, որ ոչ մի երկիր, այդ թվում՝ Իրանի Իսլամական Հանրապետությունը, չի վտանգի իր ազգային անվտանգությունը, տարածքային ամբողջականությունը և ազգային ինքնիշխանությունը։
«Մերձավոր Արևելքում հետագա էսկալացիան չի բխում ոչ մեկի շահերից։ Ես խոսեցի Իրանի արտաքին գործերի նախարարի պաշտոնակատար Ալի Բաղերի Քանիի հետ և զգուշացրի, որ իրանական ցանկացած հարձակում կործանարար հետևանքներ կունենա տարածաշրջանի համար: Իրանը և բոլոր կողմերը պետք է շտապ և անհապաղ ապաէսկալացնեն իրադրությունը»,- գրել է Լամին X-ի իր միկրոբլոգում։
