07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Արևմուտքը ցանկանում է ապակայունացնել Հարավային Կովկասը, այն վերածել լարվածության օջախի կամ 2-րդ ճակատի Ռուսաստանի սահմաններին․ ՌԴ ԱԳՆ
Քաղաքականություն
31.07.2024 | 15:38
Արևմուտքը ցանկանում է ապակայունացնել Հարավային Կովկասը։ Այս մասին ճեպազրույցում հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Անդրեյ Նաստասինը:
«Ցանկանում եմ ուշադրություն հրավիրել, թե ինչ է տեղի ունենում Հայաստանում ու տարածաշրջանում։ Գլխավորը Արևմուտքի ակտիվ գործողություններն են, առաջին հերթին՝ ԱՄՆ-ի ու ԵՄ-ի՝ ոչնչացնելու Հարավային Կովկասում եղած կապերը։ Արևմուտքը ցանկանում է ապակայունացնել Հարավային Կովկասը և այն վերածել լարվածության հերթական օջախի կամ երկրորդ ճակատի ՌԴ-ի սահմաններին»,- ասել է ՌԴ ԱԳՆ ներկայացուցիչը։
Նա նշել է, որ դրա համար նրանք փորձում են ներխուժել տարածաշրջանի գործընկերների հետ ՌԴ հարաբերությունների բոլոր ոլորտներ։ Ըստ նրա՝ հատուկ ուշադրություն է գրավում անվտանգության թեման, և մի անգամ չէ, որ Մոսկվան խոսել է Հայաստանում «ԵՄ հետախուզական առաքելության մասին»։
