24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
Մայրը սեռական բնույթի բռնի գործողություններ է կատարել իր երեխաների նկատմամբ, տեսանկարահանել և ուղարկել «Ֆեյսբուքյան» տարբեր օգտատերերի
Հասարակություն
27.07.2024 | 12:45
Մայրն իր երեխաների նկատմամբ սեռական բնույթի բռնի գործողություններ է կատարել, նշված գործողությունները տեսանկարահանել և ուղարկել է «Ֆեյսբուք» սոցիալական ցանցով տարբեր օգտատերերի: 31-ամյա կինը ձերբակալվել է: Տեղեկությունը Factor.am-ին հայտնեց ՆԳՆ մամուլի քարտուղար Նարեկ Սարգսյանը:
«Դեպքը բացահայտվել է ՆԳՆ ոստիկանության անչափահասների հանցավորության կանխարգելման մասնագիտացված ստորաբաժանման և ՆԳՆ ոստիկանության Մալաթիայի բաժնի ծառայողների օպերատիվ գործողությունների արդյունքում՝ հուլիսի 8-ին: 31-ամյա կինը կասկածանքով ձերբակալվել և կազմված փաստաթղթերով հանձնվել է Քննչական կոմիտե»,- ասաց Սարգսյանը։
Քննչական կոմիտեի մամուլի քարտուղար Գոռ Աբրահամյանը հայտնեց, որ դեպքի առնչությամբ կա նախաձեռնված քրեական վարույթ, կնոջ նկատմամբ խափանման միջոց է ընտրված կալանքը:
«Ձեռք բերված փաստական տվյալների, հանգամանքների վերաբերյալ այլ ինֆորմացիա հրապարակման ենթակա չէ»,- ասաց ՔԿ մամուլի քարտուղարը։
Անի Թամրազյան
