25.06.2026 | 18:33
ՄԻՊ-ը հանդիպել է Անդրանիկ Թևանյանի իրավունքներին առնչվող հարցեր բարձրաձայնող անձանց
Ուկրաինայի և Չինաստանի ԱԳ նախարարներն ավելի քան 3 ժամ բանակցություններ են վարել
Քաղաքականություն
24.07.2024 | 14:23
Ուկրաինայի ԱԳՆ ղեկավար Դմիտրի Կուլեբան չորեքշաբթի օրը Գուանչժոու քաղաքում ավելի քան երեք ժամ բանակցություններ է վարել Չինաստանի արտաքին գործերի նախարար Վան Յիի հետ, որը Կիևը նկարագրել է որպես բազմօրյա այց՝ քննարկելու Ռուսաստանի հետ պատերազմում «արդար խաղաղության» հասնելու ուղիները:
2022 թվականի փետրվարին Ռուսաստանի լայնածավալ ներխուժումից հետո Դմիտրի Կուլեբան ամենաբարձրաստիճան ուկրաինացի պաշտոնյան է, որը այցելել է Չինաստան:
«Բանակցությունները նոր են ավարտվել։ Դրանք ընդհանուր առմամբ տևեցին ավելի քան երեք ժամ՝ նախատեսվածից ավելի երկար: Սա շատ խորը և կոնկրետ խոսակցություն էր», – Reuters-ին ասել է պատվիրակությունում ուկրաինական աղբյուրը:
Կուլեբան հանդիպման սկզբում հայտարարել էր, որ ակնկալում է «մանրակրկիտ և առարկայական բանակցություններ երկկողմ հարաբերությունների, միջազգային օրակարգի և, ամենակարևորը, խաղաղության ճանապարհի վերաբերյալ»:
«Ես համոզված եմ, որ Ուկրաինայում արդար խաղաղությունը բխում է Չինաստանի ռազմավարական շահերից, և Չինաստանի դերը որպես խաղաղության գլոբալ ուժ կարևոր է»:
Ռուսական լրատվամիջոցներն էլ հղում կատարելով Չինաստանի ԱԳՆ պաշտոնական ներկայացուցիչ Մաո Նինգին՝ հայտնում են, որ Դմիտրի Կուլեբան Չինաստանի արտգործնախարար Վան Ինի հետ զրույցում հայտարարել է, որ Ուկրաինական կողմը պատրաստ է բանակցել ռուսական կողմի հետ։
