07.10.2026 | 23:48
Արթուր Դանիելյանը կալանավորվեց
Բաքուն Մեջլիսի ընտրությունների համար Արցախում 8 նոր ընտրատեղամաս է ստեղծում
Քաղաքականություն
09.07.2024 | 18:32
Ադրբեջանը սեպտեմբերի 1-ին նախանշված խորհրդարանական արտահերթ ընտրությունների համար էթնիկ զտման ենթարկած Արցախում նոր ընտրատեղամասեր է ստեղծելու։ Այս մասին հայտնել է Կենտրոնական ընտրական հանձնաժողովի փոխնախագահ Ռովզաթ Գասիմովը, գրում են ադրբեջանական լրատվամիջոցները։
Նա հայտարարել է, որ որոշում է կայացվել Արցախում ստեղծել լրացուցիչ ութ ընտրատեղամաս։
«Այսպիսով, «ազատագրված տարածքներում» գործելու են 34 մշտական տեղամասեր։ Բացի այդ, կստեղծվեն ժամանակավոր ընտրատեղամասեր, որոնց մասին հանրությունը լրացուցիչ կտեղեկացվի»,- ասել է Գասիմովը։
Հավելենք, որ փետրվարի 7-ին Ադրբեջանում անցկացված նախագահական ընտրությունների համար Բաքուն Արցախում բացել էր 26 մշտական և 21 ժամանակավոր ընտրատեղամաս։ Ադրբեջանի իշխանություններն ընտրատեղամասի էին վերածել նաև Ստեփանակերտում Արցախի նախագահի նստավայրը։
Հունիսի 28-ին Ադրբեջանի նախագահ Իլհամ Ալիևը հրամանագիր է ստորագրել երկրի վեցերորդ գումարման Միլլի Մեջլիսը ցրելու և 2024 թվականի սեպտեմբերի 1-ին արտահերթ ընտրություններ նշանակելու մասին։
Էմմա Չոբանյան
