03.08.2026 | 17:00
2 փոխվարչապետները վերանշանակվեցին իրենց պաշտոններում
Էլեկտրական մեքենաներ արտադրող չինական BYD-ը 1 մլրդ դոլար ներդրմամբ գործարան կկառուցի Թուրքիայում
Տնտեսություն
09.07.2024 | 17:00
Էլեկտրական մեքենաներ արտադրող չինական BYD Co Ltd ընկերությունը Թուրքիայի կառավարության հետ պայմանավորվել է 1 միլիարդ դոլարի ներդրմամբ գործարան կառուցել երկրում՝ տարեկան 150,000 մեքենա արտադրական հզորությամբ, գրում են թուրքական լրատվամիջոցները։
Համաձայնագիրը Ստամբուլում ստորագրվել է BYD-ի գործադիր տնօրեն Վան Չուանֆուի ու Թուրքիայի արդյունաբերության և տեխնոլոգիաների նախարար Ֆաթիհ Քաչիրի կողմից՝ երկրի նախագահ Ռեջեփ Թայիփ Էրդողանի մասնակցությամբ։
Անցյալ շաբաթ Եվրամիությունը բարձրացրել է մաքսատուրքերը չինական էլեկտրական մեքենաների համար՝ օգնելու պաշտպանել իր արդյունաբերությունը: Գործարքը կարող է հեշտացնել BYD-ի մուտքը շուկա՝ հաշվի առնելով ԵՄ-ի հետ Թուրքիայի մաքսային միությունը:
Չինաստանի պետական աջակցություն ունեցող Securities Times-ն ավելի վաղ հայտնել էր (առանց Թուրքիային նշելու), որ BYD-ը համաձայնել է կառուցել գործարան՝ մեքենաների հիմնական մասեր արտադրելու համար, որոնք կապահովեն իր գործարանի հզորությունը հարավային Շենժեն քաղաքում:
