07.10.2026 | 20:10
«Գոնե իշմար տվեք՝ իմանանք»․ Փաշինյանի ժեստը ծիծաղ առաջացրեց ԱԺ դահլիճում. ՏԵՍԱՆՅՈՒԹ
Մոսկվայում անվտանգության ուժերը խափանել են Ալեքսեյ Նավալնիի հիշատակի երեկոն և ձերբակալել 30 մարդու
Քաղաքականություն
05.06.2024 | 10:52
Մոսկվայում ուժայինները խափանել են քաղաքական գործիչ Ալեքսեյ Նավալնիի հիշատակի երեկոն։ Այս մասին գրում է OVD-Info-ն: Միջոցառման մասնակիցներից մեկը լրատվամիջոցին պատմել է, որ անվտանգության ուժերը ներխուժել են ձեղնահարկ, որտեղ անցկացվում էր հանդիպումը և ձերբակալել 30 հոգու, խուզարկել պայուսակները, ստուգել անձնագրերը, տարել հարակից սենյակ՝ հարցաքննության։
OVD-Info-ի տեղեկություններով՝ բոլոր բերման ենթարկվածներն ավելի ուշ ազատ են արձակվել։ Միջադեպի այլ մանրամասներ չեն հաղորդվում։
Ավելի վաղ հայտնի էր դարձել, որ Մոսկվայում երկու կին է բերման ենթարկվել Բորիսովյան գերեզմանատանից, որտեղ թաղված է Նավալնին։
2024 թվականի փետրվարի 16-ին Բևեռային Խարփ գյուղի հատուկ ռեժիմի գաղութում մահացած ընդդիմադիր գործիչը հունիսի 4-ին կդառնար 48 տարեկան։ Բեռլինում տեղի ունեցած հիշատակի արարողությանը մասնակցել են քաղաքական գործչի կինը՝ Յուլիա Նավալնայան, ինչպես նաև նրա համախոհներն ու ընկերները։ Գերմանիայի մայրաքաղաքում նաև Նավալնիի հիշատակին նվիրված համերգ է կայացել։
