24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վթար Երևան-Գյումրի ճանապարհին. տուժածը հոսպիտալացվել է
22.05.2024 | 23:21
Մայիսի 22-ին՝ ժամը 19:53-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Գյումրի ավտոճանապարհին՝ Մաստարա գյուղի մոտակայքում, տեղի է ունեցել ՃՏՊ։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Գյումրի ավտոճանապարհի 78-րդ կմ-ին BMW մակնիշի ավտոմեքենան (վարորդ՝ Ս․ Շ․, ծնված 1992 թ․) բախվել է ճանապարհի երկաթե արգելապատնեշին, դուրս եկել երթևեկելի հատվածից և շրջվել․ առկա է ձորակն ընկնելու վտանգ։
ՆԳՆ ՓԾ-ից տեղեկացնում են, որ փրկարարները ֆիքսել են ավտոմեքենան, արգելափակված վարորդին դուրս բերել և պատգարակով մոտեցրել շտապօգնության մեքենային։ Վարորդը հոսպիտալացվել է ԲԿ, որտեղ նրա առողջական վիճակը գնահատվել է ծանր։
Փրկարարները հոսանքազրկել են ավտոմեքենան և փակել գազի բալոնի փականը։
