14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ապագլոբալիզացիայի, էթնիկ զտումների և համաշխարհային պատերազմի վտանգի մասին. ապաքաղաքական զրույց Վարդան Ոսկանյանի հետ. ՏԵՍԱՆՅՈՒԹ
Հաղորդաշարեր
21.04.2024 | 21:00
Factor TV-ի A-politic հաղորդաշարի հյուրն է իրանագետ Վարդան Ոսկանյանը: Նրա կարծիքով՝ մարդկության պատմության ընթացքում պարբերաբար ձեռնարկվում են «գլոբալիստական» նախագծեր իրականացնելու փորձեր: Որպես օրինակներ նա բերում է հելենիզմը և «մետաքսե ճանապարհը»: Սակայն նման բոլոր դեպքերում պարզվում է, որ ազգային և էթնիկ գործոնները թերագնահատվում են, և հիշյալ ծրագրերը, թեև իրենց հետքն են թողնում պատմության հետագա զարգացման վրա, սակայն երբեք ամբողջությամբ չեն իրականացվում:
Հաղորդման հյուրն անդրադարձել է «Արևելք» և «Արևմուտք» հասկացություններին՝ նշելով, որ, մասնավորապես, «Արևելքը» չափազանց բազմազան երևույթ է: Ավելին՝ բազմազան են «Արևելք» համարվող երկրները: Գիտնականն անդրադառնում է Հնդկաստանին, որտեղ ապրում են տարբեր կրոնների, տարբեր մշակույթների, տարբեր լեզվով խոսող մարդիկ:
Մեկնաբանելով ԱՄՆ նախագահի ազգային անվտանգության հարցերով նախկին խորհրդական Բենթ Սքոուքրոֆթի միտքը՝ Վարդան Ոսկանյանը նշում է, որ իսկապես երկու գերտերությունների գլոբալ բախումը վերափոխվել է «ասեղի հազար ծակոցների» կամ կայծերի բռնկումների: Դրանք, ըստ իրանագետի, կարող են հանգեցնել համաշխարհային հրդեհի:
Մանրամասները՝ տեսանյութում:
Արամ Աբրահամյան
