16.03.2026 | 22:53
Ղրիմում փլուզվել է 15-րդ դարի հայկական եկեղեցին, որտեղ պսակադրվել է Հովհաննես Այվազովսկին. ՏԵՍԱՆՅՈՒԹ
Թուրքիայում ԱՄՆ-ի դեսպանատան վրա հարձակման գործով 2 ձերբակալված կա
Քաղաքականություն
21.08.2018 | 13:56
Օգոստոսի 20-ին Անկարայում Ամերիկայի Միացյալ Նահանգների դեսպանատան վրա տեղի ունեցած զինված հարձակման գործով 2 մարդ է ձերբակալվել. տեղեկացնում է ermenihaber-ը:
Ըստ Անկարայի նահանգապետարանի տարածած հայտարարության՝ զինված հարձակումը կատարելու կասկածանքով ձերբակալվել են Ահմեթ Չ., և Օսման Գ. անունով քաղաքացիները, որոնց մոտ հայտնաբերվել է միջադեպի ժամանակ օգտագործված 9 մմ տրամաչափի ատրճանակը: Հայտնաբերվել է նաև այն մեքենան, որով հարձակվողները փախուստի են դիմել հարձակումն իրականացնելուց հետո:
Հիշեցնենք, որ օգոստոսի 20-ի առավոտյան 05։00 սահմաններում Անկարայի Աթաթուրքի անվան պուրակով անցնող ավտոմեքենայից կրակ էր բացվել ԱՄՆ դեսպանատան շենքի ուղղությամբ։ Վնասվել էին դեսպանատան պահակակետի պատուհանի ապակիները, զոհեր կամ վիրավորներ չեն եղել։
