08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
Մոսկվան ու Բաքուն քննարկել են միջազգային հարթակներում համագործակցությունը
Քաղաքականություն
01.04.2024 | 18:09
ՌԴ ԱԳՆ-ն հայտնում է, որ Բաքվում մարտի 28-29-ը անցկացվել են ռուս-ադրբեջանական խորհրդակցություններ՝ ՌԴ ԱԳՆ հատուկ հանձնարարություններով դեսպան Պավել Կնյազևի և Ադրբեջանի արտաքին գործերի փոխնախարար Շարիֆովի մասնակցությամբ։
Հաղորդվում է, որ Կնյազևին ընդունել է Ադրբեջանի ԱԳ նախարար Ջեյհուն Բայրամովը, ինչպես նաև նախագահականի արտաքին քաղաքականության բաժնի ղեկավար Հիքմեթ Հաջիևը։ «Տեղի ունեցած շփումների ընթացքում քննարկվել են միջազգային հարթակներում փոխգործակցության ընթացիկ հարցեր»,-ասվում է հայտարարության մեջ։
Հավելենք, որ ավելի վաղ Ադրբեջանի ԱԳՆ-ն հայտնել էր, որ Բայրամովի ու Կնյազևի հանդիպմանը քննարկվել են Բաքվի և Մոսկվայի միջև երկկողմ և բազմակողմ համագործակցության օրակարգային հարցեր, ինչպես նաև՝ տարածաշրջանում առկա իրավիճակը։ Բայրամովը նաև իր դժգոհությունն էր հայտնել ապրիլի 5-ին Բրյուսելում կայանալիք ՀՀ-ԱՄՆ-ԵՄ եռակողմ հանդիպման կապակցությամբ։
