14.10.2026 | 16:52
Կարապետյանը սխալվում է․ ռեստորանի առկայությունը ՅՈՒՆԵՍԿՕ-ի կողմից Նորավանքի հայտը մերժելու հիմք չէ
Փոխվարչապետ Տիգրան Ավինյանը ներկա է գտնվել Քաղաքաշինության պետական կոմիտեում Շինարարի օրվա առթիվ կազմակերպված միջոցառմանը
20.08.2018 | 15:52
Օգոստոսի 20-ին փոխվարչապետ Տիգրան Ավինյանը ներկա է գտնվել Քաղաքաշինության պետական կոմիտեում Շինարարի օրվա առթիվ կազմակերպված միջոցառմանը:
Փոխվարչապետը շնորհավորական ուղերձ է հղել Կոմիտեի նախագահ Ավետիք Էլոյանին և շինարարական համայնքի ներկայացուցիչներին, նշել նրանց առանձնահատուկ դերը նոր ժամանակներում և մաղթել անկոտրում կամք, անսահման ներշնչանք:
Միջոցառման ավարտին Կոմիտեի նախագահը պարգևներ և պատվոգրեր է հանձնել ոլորտի վաստակաշատ մի քանի ներկայացուցչի:
Ստորև՝ փոխվարչապետի ուղերձն ամբողջությամբ:
«Հարգելի՛ պարոն Էլոյան,
Շնորհավորում եմ Ձեզ և շինարարական համայնքի տաղանդաշատ բոլոր վարպետներին մասնագիտական տոնի առթիվ:
Հայ շինարար-վարպետների միտքը պատմության ընթացքում կերտել է զարմանահրաշ տաճարներ, պաշտպանական ամրություններ, կենսական նշանակության կամուրջներ, ապահովել հայ ժողովրդի անվտանգությունը, տնտեսական առաջխաղացումը, հոգևոր զարգացումը: Եվ այժմ Դուք եք արժանավոր հետնորդները Ձեր ուսուցիչների:
Սակայն շինարարությունը ամեն ինչից զատ մշակույթ է՝ քաղաքային ապրելակերպի մշակույթ, հանրային տարածքի նկատմամբ պատասխանատվության մշակույթ, միմյանց հետ փոխհարաբերվելու մշակույթ, ընդհանուրը անձնական շահերից ելնելով չյուրացնելու մշակույթ: Ուստի նոր ժամանակներում Ձեր դերը հեղափոխական է:
Իհարկե, շուկան և պատվիրատուն կարող են ունենալ տարբեր պահանջներ, որոնք երբեմն հակոտնյա են հանրության շահերին, սակայն հենց այստեղ է, որ Քաղաքաշինության պետական կոմիտեն պետք է վճռականորեն հանդես գա որպես հանրության ներկայացուցիչ և ի կատար ածի մշակութային և մտքի հեղափոխության իր առաքելությունը:
Շնորհավորում եմ և մաղթում անկոտրում կամք, անսահման ներշնչանք»:
