14.10.2026 | 14:42
ԵՄ-ն Ուկրաինային 2,86 մլրդ եվրո է հատկացնում՝ ԱԹՍ-ների, հրթիռների և մարտի դաշտում առկա հրատապ կարիքների համար
Սերգեյ Լավրովն Ադրբեջան կայցելի
Քաղաքականություն
14.10.2026 | 14:10
ՌԴ արտաքին գործերի նախարար Սերգեյ Լավրովը հոկտեմբերիկ 15-ին կմասնակցի Ասիայում փոխգործակցության և վստահության միջոցների համաժողովի (ԱՓՎՄՀ) յոթերորդ գագաթնաժողովին, որը տեղի կունենա Բաքվում։ Այս մասին հայտնել են ՌԴ ԱԳՆ-ից։
«Միջոցառման ընթացքում կքննարկվեն ԱՓՎՄՀ-ի հետագա զարգացման հարցերը, այդ թվում՝ եվրասիական տարածքում բազմահարթակ համագործակցության ընդհանուր համակարգում դրա ներգրավման համատեքստում»,- ասվում է հաղորդագրության մեջ։
Նշվում է, որ հանդիպման ընթացքում նախատեսվում է քննարկել ԱՓՎՄՀ-ի օրակարգում ընդգրկված գործնական համագործակցության լայն շրջանակ՝ ներառյալ Ռուսաստանի համակարգմամբ իրականացվող՝ փոքր և միջին ձեռնարկատիրությանն աջակցելու և միջազգային տեղեկատվական անվտանգությունն ապահովելու ուղղությունները։
«Հանդիպման մասնակիցները նաև կարծիքներ կփոխանակեն արդիական միջազգային և տարածաշրջանային հարցերի շուրջ»,- հայտնել են ՌԴ արտաքին քաղաքական գերատեսչությունից։
Թարգմանությունը՝ Էմմա Չոբանյանի
