Բաքուն Իրանին և Թուրքիային մեղադրում է Ադրբեջանի դեմ տեղեկատվական հարձակումների մեջ

Նշվում է, որ նման գործունեությունը, որն ուղեկցվում է քաղաքական և գաղափարական շարժառիթներով, նպատակ ունի մանիպուլացնել հասարակական կարծիքը և միջամտել երկրի ներքին գործերին։ Այն տեղեկատվական տարածքի չարաշահման և հասարակական վստահությունը խաթարելու փորձերի անընդունելի օրինակ է։

«Միևնույն ուղղագրական սխալներով և գրելու ոճով հրապարակումների զանգվածային տարածումը, «copy-paste» մեթոդով նմանատիպ մեկնաբանությունների հետևողական պատճենումն ու տեղադրումը, ինչպես նաև մեր երկրի հետ որևէ առնչություն չունեցող մոնտաժված լուսանկարների և տեսանյութերի տարածումը համակարգված տրոլինգային հարձակումների պարզունակ և հեշտությամբ բացահայտվող մեթոդներ են»,- ասվում է հայտարարության մեջ։

Նշվում է, թե չնայած այն հանգամանքին, որ հրապարակումների հեղինակներն այլալեզու օգտատերեր են, կարճ ժամանակահատվածում ադրբեջաներեն ստեղծված հեշթեգով ավելի քան 400 գրառման տեղադրումը, ինչպես նաև նույն բովանդակության բազմակի տարածումը մեկ հաշվի միջոցով «ակնհայտորեն ցույց են տալիս այս արշավների մանիպուլյատիվ բնույթը և արդարացի հասարակական դժգոհություն ու վրդովմունք են առաջացնում դրանց կազմակերպիչների և մասնակիցների նկատմամբ»։ Նման հրապարակումների տարածումը տարբեր անանուն հաշիվների, ինչպես նաև բացասական մեկնաբանությունների և արձագանքների միջոցով քաղաքացիներին հասարակական կարգը խախտելուն դրդելը լիովին հակասում են ինչպես Ադրբեջանի  օրենսդրության, այնպես էլ միջազգային իրավունքի պահանջներին և հանգեցնում են իրավական պատասխանատվության, ասվում է հայտարարությունում։;